Um oe zo goed meugelek tut diens te wèèn en oons wârk angenaam en veileg te doen, geld d’r huusreegels waor wuule oons saemm an hold: doktersklantn, pebliek en pârseneel. Disse huusreegels geld ok as ie buutn ’t gezondheidscentrum ketak heb met oons pârseneel. Bie betrèèn van ‘t gezondheidscentrum stem ie in met oonze huusreegels.
Hol ie oe niet an de reegels? Dan sprèek wuule oe an op oe gedrag. Meugelek geef wuule oe ‘n fermele waorschouwing en/of ‘n tiedelek verbod tut de toegang. Nao twee fermele waorschouwingn bint wuule jammer genog genoodzaek oe uut te schrievm. Ie bint dan niet meer welkom in Gezondheidscentrum Heerde.
Goed umme te weetn
Wuule anvaard gien enkele vörm van lichamelek geweld of bedreigingn. In die gevalln schrief wuule oe drek uut. Ie bint dan ok drek niet meer welkom in Gezondheidscentrum Heerde.
Dit bint oonze meniern
- Volg anwiezingn van ‘t pârseneel drek op.
- Laot oe pesoonsbewies zien als ‘n pârseneelslid daorumme vrög.
- Geef mekaere de ruumte, heb eerbied veur iederiene in zien persoonleke vriejheid.
- Behandel mekaere belèèf en met eerbied.
- Geweld, lichameleke anraekingn en elk ander gedrag waordeur deze of gene zich niet gemakkelek of bedreig vuult, wodt niet tollerierd.
- ‘t Gebruuk van tillefoons, tablets, laptops e.d. is toe estaon behalvm aj aoverlas bezörg.
- Wanneer ie in gesprek bint of onder behandeling van ‘n zörgverleener, stiet oe tillefoon uut.
- Gesprekkn opnemm, foto’s maekn of filmm is allient toe estaon met toestemming van alle betrökkn.
- Hulphondn bint welkom, andere huusdiern bint niet toe estaon.
- Rookn, drank, drugs en waopmbezit is niet toe estaon. As ie onder invloed bint, kan oe de toegank tut ‘t gezondheidscentrum eweigerd woddn.
- Wèès zuuneg op oonze spulln. In geval van stèèln en vernielingn wodt angifte edaon bie de plietsie.
Bie kostn wod de schae in rèèkening ebrach. - ‘t Gezondheidscentrum en de in ‘t centrum gevestigde zörganbieders bint niet verantwoordelek veur stèèln of vernielingn van oe eigndomm.
- Fietsn plaets ie in de daorveur bestemde rekkn.
- Niet tevrèè aover (‘t doen en laotn van) ‘n pâseneelslid. Ie kunt hiervan ‘n angifte doen. Hoe ie dât doet, lèès ie in de klachnreegeling van de zörganbieder waor de betreffende pârseneelslid wârkzaem is.
